"Sumqayıt" klubunun dörd legioneri "Zirə" ilə görüşdə komandaya kömək edə bilməyəcək

Azərbaycan Premyer Liqasının XV turunda "Zirə"nin qonağı olacaq "Sumqayıt" oyuna dörd itki ilə çıxacaq.

Bunu Oxu.Az-a açıqlamasında "Sumqayıt" klubunun mətbuat katibi Zaur Xudiyev bildirib.

"Cordan Rezabala sarı vərəqə limiti dolduğuna görə cəzalı duruma düşüb. İsa Sulimanın ən azı aprel ayına qədər yaşıl meydanlardan kənarda qalacağı öncədən bəlli idisə, Fernando Medeyros və Silvanus Nimeli də zədə zəbəbindən "Zirə"yə qarşı oynaya bilməyəcəklər".

Qeyd edək ki, "Zirə" - "Sumqayıt" qarşılaşması noyabrın 30-da keçiriləcək. Matçın start fiti saat 17:00-da səsləndiriləcək.