"Sabah"ın keçmiş məşqçisi Murad Musayev adını tarixə yazdırıb

"Sabah" ilə yollarını ayıran Murad Musayev qələbələrin sayına görə adını "Krasnodar" klubunun tarixinə yazdırıb.

Oxu.Az xəbər verir ki, təcrübəli çalışdırıcı bu göstəriciyə görə Oleq Kononovu da üstələyə bilib. Rusiya Premyer Liqasının 11-ci turu çərçivəsində "Krasnodar" "Ximki"ni darmadağın edib (4:0).

Həmin qələbə Musayevin rəhbərliyi altında "öküzlər" üçün 73-cü qələbə olub.

Bundan əlavə, ardıcıl 8 matçdır ki, qalib gələn "Krasnodar" klub tarixində ardıcıl qələbə sayında rekord nəticəyə imza atıb.

Qeyd edək ki, Murad Musayev 2021-2024-cü illərdə "Sabah"ın baş məşqçisi olub.