Boks üzrə ağır çəkidə keçmiş mütləq dünya çempionu Mayk Taysonun yutuber Ceyk Polla döyüşü "Netflix" video platformasında canlı yayım üzrə bir neçə rekord qırıb.
Oxu.Az xəbər verir ki, bu barədə "Netflix"in press-relizində məlumat yayılıb.
"Netflix" döyüşün indiyə qədər platformada ən çox izlənən qlobal idman müsabiqəsi olduğunu bildirib. Onu dünyada 65 milyon cihazda 108 milyondan çox izləyici izləyib.
ABŞ-də 6 mindən çox bar və restoranda döyüşü 1 milyondan çox tamaşaçı izləyib və döyüş növləri yarışlarının kommersiya yayımı üzrə rekord vurulub.
Qeyd olunur ki, Tayson-Pol döyüşündən əvvəl keçirilən qadınlar arasında yüngül çəki dərəcəsində çempion Keti Teylor və Amanda Serrano arasındakı döyüşü dünyada 74 milyon tamaşaçı izləyib. Eyni zamanda bu döyüş 47 milyon baxışla ABŞ tarixində ən çox izlənilən peşəkar qadın idman müsabiqəsi olub.
Rəylər