"Acıbadem" klinikalarında uşaq hematologiyası və onkologiyasının müalicəsi

Uşaq hematologiyası və sümük iliyi transplantasiyası (SİT) sahəsində ixtisaslaşmış mütəxəssislər uşaq hematoloji və onkoloji xəstəliklərinin müalicəsində mühüm rol oynayırlar. "Acıbadem" klinikalar şəbəkəsinin Uşaq Sümük İliyi Transplantasiya Mərkəzinin mütəxəssisləri akademik və klinik təcrübələrindən istifadə edərək müxtəlif müalicə üsulları hazırlayır, xəstələrin həyat keyfiyyətini yaxşılaşdırır və sağqalma şansını artırırlar.

"Acıbadem" klinikalar şəbəkəsinin həkimi, professor, doktor Gülüz Öztürk hematologiya sahəsində 30 illik təcrübəyə malikdir və bunun 20 ilini SİT-ə həsr edib. Hazırda həkim "Acıbadem" klinikalar şəbəkəsinin Uşaq Sümük İliyi Transplantasiya Mərkəzində çalışır.

Professor, Doktor Gülyüz Öztürk

SİT tələb olunur:

• İrsi hematoloji xəstəliklərdə (hemoglobinopatiyalar - talassemiya, oraqvari hüceyrəli anemiya)
• İmmun çatışmazlıq xəstəliklərində
• Uşaq onkoloji xəstəliklərində (neyroblastoma)
• Leykozlarda (məsələn, limfoblastik leykoz və mieloid leykoz)
• Limfomalarda və digər bərk şişlərdə
• Maddələr mübadiləsi və ya immun sisteminin bəzi pozuntularında.

Son 12 ildə "Acıbadem" klinikalarında uşaqlar üçün SİT müvəffəqiyyəti 85%-dən çoxdur.

Xəstələr transplantasiyadan əvvəl və sonra çoxprofilli komanda tərəfindən diqqətlə müşahidə olunurlar ki, bu da müvəffəqiyyət göstəricilərini artırmağa kömək edir. Həmçinin uyğun donorun tapılması da buna kömək edir.

Sümük iliyi donoru kim ola bilər? Ən uyğun donor qardaş və ya bacıdır. Əgər birinci dərəcəli qohumların toxumaları xəstənin toxumaları ilə uyğun deyilsə, haploidentik donorlara (valideynlər) müraciət edilir. Əgər uyğun qohum tapılmırsa və ya donor təcili tələb olunursa, beynəlxalq reyestrlərdən qohum olmayan donorlara müraciət edilir.

Professor Öztürk vurğuladı: "Acıbadem" klinikalarında həyata keçirilən transplantasiyaların 20%-i qardaş və bacı arasında, 40%-i haploidentik, yəni ana və ya ata tərəfindən, qalan 40%-i isə qohum olmayan donorlardan həyata keçirilir".

Uşaq Onkologiyasının Müalicəsinə Digər Yanaşmalar

"Zəka dərmanları" - bu dərmanlar xəstə hüceyrələrə minimum potensial zərər vuraraq təsir edir. İmmunoterapiya xəstənin immun sisteminə xərçənglə mübarizə aparmağa kömək edir, xərçəng hüceyrələrini "işarələyir" və məhv edir. Bu cür dərmanlar xərçəng müalicəsində yeni bir dövr açıb, terapiyanı daha təsirli edib, yan təsirləri azaldıb və xəstələrin həyat keyfiyyətini yaxşılaşdırıb.

"Acıbadem" klinikalarında uşaqların müalicəsi

Alfa-beta seleksiyası - haploidentik SİT-də geniş istifadə olunan metoddur. Bu metod transplantasiyadan sonra immun sisteminin reaksiyasını azaldaraq "qonaq orqanizmdən ev sahibinə qarşı" reaksiyasının riskini azaldır. Müalicə zamanı həmçinin müxtəlif bədən toxumalarından alınan və özünü yeniləmə qabiliyyətinə malik universal mezenximal kök hüceyrələrdən istifadə olunur. "Acıbadem" SİT Mərkəzi Türkiyədə mezenximal hüceyrələrin istehsalı üzrə ilk mərkəzdir. CAR-T hüceyrə terapiyası xüsusilə hematoloji xərçənglərin (qan xərçəngi) müalicəsində təsirli olur. Bu metod Türkiyədə uşaqların müalicəsində heç bir digər mərkəzdə istifadə olunmur, lakin "Acıbadem" klinikasında bu terapiya standartlardan biridir. Uşaq hematologiyası və SİT sahəsində araşdırmalar, uşaq hematoloji və onkoloji xəstəliklərinin müalicəsində mühüm rol oynayır. Bu, kiçik xəstələrin həyatını xilas etməyə imkan verən ümidverici bir gələcək yaradır.

"Acıbadem" Bakı nümayəndəliyi : Səməd Vurğun küçəsi, 36, telefon: (+994 12) 595-96-81

"Acıbadem" Gəncə nümayəndəliyi: Məmməd Xəlilov küçəsi, 4-cü mkr, mənzil 15, telefon: (+994 22) 255-07-06

Siz həmçinin internet saytı və ya klinikanın rəsmi nümayəndəliyi vasitəsilə sorğu göndərməklə "Acıbadem" şəbəkəsinin aparıcı həkimlərindən pulsuz ikinci tibbi rəy ala bilərsiniz.