Aleynanın yenidən yardımsevər şəxslərin dəstəyinə ehtiyacı var

Yanıq xəsarətləri alan beş yaşlı Aleynanın sizin dəstəyinizə ehtiyacı var.

Bu barədə Oxu.Az-a onun anası Günay Hacıyeva məlumat verib.

O bildirib ki, qızı Aleyna bu il fevralın 27-də yanıb:

"Aleynanın 5 yaşı var. Biz İsmayıllıda yaşayırıq. Hamamda şərait olmadığı üçün suyu qazanda qaynadıb çimirik. Aleynanı çimizdirmək üçün su qızdırmışdım. Yanından keçərkən görməyib, köynəyi qazanın qoluna ilişib, suyu üzərinə dağıdıb. Həmin gün onu rayon xəstəxanasına aparsaq da, bizi Bakıya göndərdilər".

Günay Hacıyeva övladının müalicəsi üçün hazırda dəstəyə ehtiyacları olduğunu deyib:

"Biz Bakıda yerləşən xəstəxanalardan birində müalicə aldıq. Martın 9-da xəstəxanadan çıxıb evimizə, İsmayıllıya geri döndük. Həmin gündən də yalnız sizin saytın izləyicilərinin dəstəyi ilə müalicələrimizi edə bilirik. Aleynanın yaralarının, demək olar ki, hamısı sağalıb, qollarının arxasındakı yaralar isə hələ qalıb. Həkim mazları və dərmanları düzgün, vaxtında istifadə etsək, o yaraların da tam sağalacağını deyir. Buna görə yenidən sizə müraciət edirəm. Mazları və dərmanları almaq üçün bizim 450-500 manata ehtiyacımız var. Yardımsevər şəxslərdən balama yenidən dəstək olmalarını, onu bu çətin yolda tək buraxmamalarını xahiş edirəm".

Ailə ilə əlaqə: (077) 310-54-88.

Uni Bank: 4098 0944 2140 8442.