İyunun ilk həftəsində Bakıda hansı mədəni tədbirlər olacaq? - Mədəniyyət AFİŞASI

Yaxın günlərdə paytaxt sakinləri və qonaqların asudə vaxtlarını səmərəli keçirə biləcəkləri mədəni tədbirləri bir siyahıya topladıq.

Oxu.Az-ın təqdim etdiyi afişada iyunun 4-dən 10-dək Bakıda keçiriləcək tamaşalar, konsertlər və digər tədbirlər yer alır.

4 iyun

Heydər Əliyev Sarayında saat 19:00-da bəstəkar və şair Xanım İsmayılqızının "Ömrün Xanım Fəsli" adlı yaradıcılıq gecəsi keçiriləcək.

5 iyun

Azərbaycan Dövlət Filarmoniyasının Kamera və orqan musiqisi zalında saat 19:00-da "Bakı Sinfonietta Orkestri"nin konserti olacaq.

Dirijor: C.Tağızadə.

Biletlərin qiyməti: 3-15 AZN.

Bakı Musiqi Akademiyası nəzdində Opera Studiyasının Konsert salonunda saat 19:00-da "Aşıq Qərib" adlı opera nümayiş olunacaq.

Əsərin bəstəkarı Zülfüqar Hacıbəyov, dirijoru Sevil Hacıyeva, quruluşçu rejissoru Hafiz Quliyevdir.

Biletlərin qiyməti: 12-20 AZN.

Heydər Əliyev Sarayında saat 20:00-da Könül Xasıyevanın "Ana" adlı konserti baş tutacaq.

Biletlərin qiyməti: 20-120 AZN.

6 iyun

Azərbaycan Dövlət Akademik Musiqili Teatrında saat 19:00-da Xalq yazıçısı Anarın "Adamın adamı" pyesi əsasında eyniadlı tamaşa oynanılacaq.

Tamaşanın bəstəkarı Vasif Adıgözəlov, quruluşcu rejissoru Əsgər Əsgərovdur.

Biletlərin qiyməti: 8-15 AZN.

Azərbaycan Dövlət Akademik Milli Dram Teatrında saat 19:00-da "Manqurt" tamaşası nümayiş olunacaq.

Müəllif: Çingiz Aytmatov.

Biletlərin qiyməti: 10 AZN.

7 iyun

Azərbaycan Dövlət Kukla Teatrında saat 12:00 və 14:00-da "Leyləyin hədiyyəsi" adlı tamaşa nümayiş olunacaq.

Biletlərin qiyməti: 5 AZN.

Həmçinin, saat 16:50-də müəllifi H.X.Andersen olan "Düyməcik" əsərinin eyniadlı tamaşası səhnəni bəzəyəcək.

Biletlərin qiyməti: 5 AZN.

Azərbaycan Dövlət Yuğ Teatrında saat 20:15-də "21:15 qatarı" tamaşası oynanılacaq. Səhnə əsəri ekzistensial oyun janrında nümayiş olunur.

"21:15 qatarı" tamaşasının quruluşçu rejissoru Mikayıl Mikayılov, quruluşçu rəssamı isə Mustafa Mustafayevdir.

Qeyd edək ki, tamaşa Azərbaycan Dövlət Kukla Teatrının səhnəsində canlandırılacaq.

Biletlərin qiyməti: 5-15 AZN.

"M-Teatr"da saat 20:00-da "Ovod" tamaşası nümayiş olunacaq.

Tamaşanın rejissoru Vidadi Həsənovdur.

Tamaşa, həmçinin, iyunun 8-də də oynanılacaq.

Biletlərin qiyməti: 10-30 AZN.

Azərbaycan Dövlət Akademik Rus Dram Teatrında saat 19:00-da A.P.Çexovun pyesi əsasında "Albalı bağı" tamaşası nümayiş olunacaq.

Tamaşanın quruluşçu rejissoru Aleksandr Şarovskidir.

Biletlərin qiyməti: 25 AZN.

Azərbaycan Dövlət Akademik Musiqili Teatrında saat 19:00-da "Kimdir müqəssir?" adlı tamaşa oynanılacaq.

Əsərin müəllifi Əbdürrəhimbəy Haqverdiyev, quruluşçu rejissoru İradə Gözəlovadır.

Biletlərin qiyməti: 7 AZN.

8 iyun

Azərbaycan Dövlət Kukla Teatrında saat 12:50, 14:50 və 16:50-də "Ağca və yeddi cırtdan" adlı tamaşa nümayiş olunacaq.

Tamaşa Qrimm qardaşları tərəfindən toplanıb nəşr olunan "Ağbəniz və yeddi cırtdan" nağılı əsasında hazırlanıb.

Biletlərin qiyməti: 5 AZN.

Azərbaycan Dövlət Akademik Rus Dram Teatrında saat 12:00-da "Ələddinin, Şahzadə Jasminin və lampadakı cinin sərgüzəştləri" adlı tamaşa səhnədən uşaqları salamlayacaq.

Biletlərin qiyməti: 5 AZN.

Azərbaycan Dövlət Milli Gənc Tamaşaçılar Teatrında saat 12:00-da "Sindbad" adlı tamaşa ərəb xalq nağılları əsasında səhnədə olacaq.

Tamaşanın quruluşçu rejissoru Nicat Kazımovdur.

Biletlərin qiyməti: 7-10 AZN.

Azərbaycan Dövlət Kukla Teatrında saat 18:00-da "Çipollino" tamaşası nümayiş olunacaq.

Biletlərin qiyməti: 5 AZN.

Azərbaycan Dövlət Yuğ Teatrında saat 19:00-da U.Şekspirin "III Riçard" əsəri əsasında səhnələşdirilən "Lənət" tamaşası oynanılacaq.

Qeyd edək ki, tamaşa Azərbaycan Dövlət Kukla Teatrının səhnəsində canlandırılacaq.

Biletlərin qiyməti: 15 AZN.

Şuşa Dövlət Musiqili Dram Teatrında saat 19:00-da "Lənkəran xanının vəziri" adlı tamaşa oynanılacaq. Tamaşa Mirzə Fətəli Axundzadənın "Sərgüzəşti-vəziri-xani-Lənkəran" əsəri əsasında səhnəyə qoyulub.

Biletlərin qiyməti: 7-10 AZN.

Azərbaycan Dövlət Milli Gənc Tamaşaçılar Teatrında saat 19:00-da "Mən gəldim, qızlar...(Müharibə)" adlı tamaşa nümayiş olunacaq.

Tamaşanın quruluşçu rejissoru Bəhram Osmanovdur.

Biletlərin qiyməti: 8-10 AZN.

Azərbaycan Dövlət Akademik Musiqili Teatrında dahi Üzeyir Hacıbəylinin "O olmasın, bu olsun" adlı operettası saat 19:00-da oynanılacaq.

Tamaşanın quruluşçu rejissoru Cənnət Səlimovadır.

Biletlərin qiyməti: 7-12 AZN.

Azərbaycan Dövlət Akademik Milli Dram Teatrında saat 19:00-da "Ölülər" əsəri nümayiş olunacaq.

Əsərin müəllifi Cəlil Məmmədquluzadə, tamaşanın quruluşçu rejissoru və rəssamı Azər Paşa Nemətov, bəstəkarı Qara Qarayevdir.

Biletlərin qiyməti: 7-12 AZN.

9 iyun

Azərbaycan Dövlət Milli Gənc Tamaşaçılar Teatrında saat 12:00-da "Qaraca qız" tamaşası nümayiş olunacaq.

Əsərin müəllifləri S.S.Axundov və A.Şaiq, tamaşanın quruluşçu rejissoru isə Cənnət Səlimovadır.

Biletlərin qiyməti: 7-10 AZN.

Azərbaycan Dövlət Akademik Rus Dram Teatrında saat 12:00-da "Çar Saltan, knyaz Qvidon və gözəl şahzadə" adlı tamaşa oynanılacaq.

Biletlərin qiyməti: 5 AZN.

"M-Teatr"da saat 14:00-da "Balaca Şahzadə" adlı tamaşa səhnədən uşaqları sevindirəcək.

Biletlərin qiyməti: 10 AZN.

Həmin gün saat 19:00-da "Adamlar və siçanlar" tamaşası isə böyüklər üçün nümayiş olunacaq.

Biletlərin qiyməti: 10-20 AZN.

Azərbaycan Dövlət Akademik Musiqili Teatrında saat 19:00-da "Bəxtiyar" musiqili komediyası nümayiş olunacaq.

Tamaşanın quruluşçu rejissoru Cavid İmamverdiyevdir.

Biletlərin qiyməti: 7-12 AZN.

Azərbaycan Dövlət Akademik Milli Dram Teatrında saat 19:00-da Əli Əmirlinin "Ah, bu uzun sevda yolu" tamaşası oynanılacaq.

Tamaşanın bəstəkarı Siyavuş Kərimidir.

Biletlərin qiyməti: 7-12 AZN.

Azərbaycan Dövlət Akademik Rus Dram Teatrında saat 19:00-da "Əli və Nino" adlı tamaşa nümayiş olunacaq.

Əsərin müəllifi Qurban Səid, rejissoru İlqar Safatdır.

Biletlərin qiyməti: 15 AZN.

Xanım Aydın