UEFA Millətlər Liqası: İsveç millisi Azərbaycan yığmasını darmadağın etdi

Azərbaycan millisi bu gün növbəti oyununu keçirib.

Oxu.Az xəbər verir ki, Fernandu Santuşun yetirmələri Millətlər Liqasının qrup mərhələsində son matçına çıxıb.

C liqasının 1-ci qrupunda sonuncu yeri tutacağı rəsmiləşən yığmamız İsveçdə darmadağın olub. Hər hissədə 3 qol buraxan Fernandu Santuşun rəhbərlik etdiyi heyət 6:0 hesabı ilə uduzub.

İsveç soyuğuna tab gətirməyən komandamızı Viktor Dyökereş 4 dəfə, Deyan Kulusevski isə iki dəfə məyus edib.

Bu nəticə millimizi birbaşa D liqasına yuvarladıb.

UEFA Millətlər Liqası: İsveç millisi Azərbaycan yığmasını darmadağın etdi

01:14

Azərbaycan millisinin qapısına altıncı qol vurulur.

Oxu.Az xəbər verir ki, isveçlilərin heyərində 70-ci dəqiqədə Viktor Dyökereş poker edir - 6:0.

01:04

İsveçlilər qapımızdan növbəti - beşinci qolu keçiriblər.

Oxu.Az xəbər verir ki, 58-ci dəqiqədə Viktor Dyökereş het-trikə imza atıb - 5:0.

01:01

İsveçlilər Azərbaycan millisini darmadağın edirlər. Ev sahiblərinin böyük üstünlüyü ilə keçən oyunda növbəti qol vurulub.

Oxu.Az xəbər verir ki, 57-ci dəqiqədə Deyan Kulusevski dubl edib - 4:0.

00:49

UEFA Millətlər Liqasının VI turunun İsveç-Azərbaycan oyununda ikinci hissə başlayıb.

Oxu.Az xəbər verir ki, ilk hissənin nəticəsinə görə, hesab 3:0-dır.

00:34

UEFA Millətlər Liqasının VI turunun İsveç-Azərbaycan oyununda ilk hissə başa çatıb.

Oxu.Az xəbər verir ki, meydan sahibləri fasiləyə üstün yollanıblar - 3:0.

00:22

İsveçlilərin böyük üstünlüyü ilə keçən oyunda ev sahibləri hesab fərqini artırıblar.

Oxu.Az xəbər verir ki, Viktor Dyökereş 36-cı dəqiqədə yenidən adını tabloya yazdırıb - 3:0.

00:10

İsveçlilər qapımızdan növbəti qolu keçiriblər.

Oxu.Az xəbər verir ki, meydan sahiblərinin heyətində 26-cı dəqiqədə Viktor Dyökereş fərqlənib - 2:0.

19 noyabr, 23:55

Oyunda hesab açıldı.

Oxu.Az xəbər verir ki, 10-cu dəqiqədə Deyan Kulusevski İsveçi hesabda önə keçirir - 1:0.

23:45

UEFA Millətlər Liqasının VI turunun son oyun günündə Azərbaycan millisi İsveç seçməsi ilə üz-üzə gəlir.

Oxu.Az xəbər verir ki, "Stroberri Arena"da təşkil olunan oyun başlayıb.

22:48

Bu gün UEFA Millətlər Liqasında üz-üzə gələcək İsveç və Azərbaycan yığmalarının start heyətləri açıqlanıb.

Oxu.Az xəbər verir ki, milli komandalar meydana aşağıdakı "11-lik"lə çıxacaqlar:

İsveç: Viktor Yohansson, Karl Starfelt, Qabriel Qudmundsson, Ken Sema, Yasin Ayari, Yesper Kalström, Deyan Kulusevski, Anton Saletros, Sebastian Nanasi, Aleksander İsak, Deyan Kulusevski, Viktor Dyökereş.

Baş məşqçi: Yon Dal Tomasson

Azərbaycan: Rza Cəfərov, Amin Seydiyev, Bəhlul Mustafazadə, Bədavi Hüseynov, Anton Krivotsyuk, Aleksey İsayev, Coşqun Diniyev, Ozan Can Kökçü, Toral Bayramov, Mahir Emreli, Nəriman Axundzadə.

Baş məşqçi: Fernandu Santuş

Qeyd edək ki, "Stroberri Arena"da baş tutacaq qarşılaşma Bakı vaxtı ilə saat 23:45-da start götürəcək.

09:00

Bu gün UEFA Millətlər Liqasının VI turunun son oyun günündə Azərbaycan millisi İsveç seçməsi ilə üz-üzə gələcək.

Oxu.Az xəbər verir ki, Bakı vaxtı ilə saat 23:45-də başlayacaq görüş millimizin C liqasında qalması üçün son şansı olacaq.

Belə ki, Azərbaycan millisi İsveçlə görüşdə məğlub olacağı təqdirdə tarixində ilk dəfə D liqasına enəcək.

Qeyd edək ki, hazırda 1 xalı olan millimiz C liqasının 1-ci qrupunda sonuncu pillədə qərarlaşıb. Aktivində 13 xalı olan İsveç qrupun vahid lideridir. Slovakiya 10 xalla 2-ci, Estoniya dörd xalla üçüncüdür.

19 noyabr

UEFA Millətlər Liqası

C Liqası

Saat 23:45, İsveç - Azərbaycan.