Saul Alvarez üç dünya titulunu qoruyur

Meksikalı Saul Alvares 76,2 kq çəki dərəcəsində Dünya Boks Şurasının (WBC), Ümumdünya Boks Assosiasiyasının (WBA) və Ümumdünya Boks Təşkilatının (WBO) versiyasına görə dünya çempionu titulunu qoruyub.

Oxu.Az TASS-a istinadən xəbər verir ki, Las-Veqasda (ABŞ, Nevada) keçirilən 12 raundluq döyüşdə o, puerto-rikalı Edqar Berlangaı hakimlərin yekdil qərarı ilə məğlub edib.

34 yaşlı Alvares WBC və WBA dünya titullarını yeddinci, WBO titulunu isə beşinci dəfə müdafiə edib.

Alvares ümumilikdə dörd çəki dərəcəsində - 69.9 kq, 72.6 kq, 76.2 kq və 79.38 kq çəki dərəcəsində dünya çempionu olub.