"San Paulu" klubunun dirijablı evə çırpıldı: Anbaan görüntülər

Braziliyanın "San Paulu" futbol komandasının keçirdiyi PR aksiya son anda faciəyə çevrilməyib. Belə ki, şəhər üzərindən uçmalı olan və üzərində klubun emblemi təsvir olunmuş dirijabl böyük sürətlə yaşayış evinə çırpılıb.

Oxu.Az-ın sport-express.net-ə istinadla verdiyi məlumata görə, hadisə Libertadores Kubokunun 1/4 final mərhələsində klubun "Botafoqo" ilə cavab oyunundan əvvəl baş verib.

Bildirilir ki, toqquşma nəticəsində iki nəfər - evin sakini və dirijablın pilotu xəsarət alıb. Yaralılar yerli xəstəxanaya çatdırılıblar.

Hadisəyə baxmayaraq, "San Paulu" və "Botafoqo" arasında oyun planlaşdırıldığı vaxtda - 26 sentyabr Bakı vaxtı ilə 04:30-da keçiriləcək. Bu komandalar arasında ilk görüş 0:0 hesablı heç-heçə ilə başa çatmışdı.