Bəhrəm Rəcəbzadə - Levi Riqters görüşünün vaxtı bəlli olub

Azərbaycanlı kikboksçu Bəhram Rəcəbzadənin "Glory"də növbəti döyüşünün vaxtı bilinib.

Oxu.Az xəbər verir ki, 32 yaşlı idmançı ağır çəkidə reytinqin birincisi olan niderlandlı Levi Riqters ilə üz-üzə gələcək.

Görüş sentyabrın 21-də keçiriləcək. Levi indiyə kimi peşəkar rinqdə 20 görüşdə 18 qələbə, 2 məğlubiyyətlə yadda qalıb.

Bu döyüşün qalibi isə "Collision 7" turnirində "kikboksinqin kralı" adlandırılan niderlandlı Riko Verhovenlə dünya kəməri uğrunda görüşə çıxacaq. Həmin qarşılaşma dekabrın 7-də Niderlandda keçiriləcək.

Qeyd edək ki, Rəcəbzadə peşəkar rinqdə 72 döyüş keçirib. O, bunların 69-da qələbə qazanıb, 3-də isə məğlub olub.