Azərbaycan millisinə yeni baş məşqçi TƏYİN OLUNDU

Kişi voleybolçulardan ibarət Azərbaycan millisinin yeni baş məşqçisi bəlli olub.

İdman.biz xəbər verir ki, yığmamızı yenidən Fərid Cəlalov çalışdıracaq.

O, millimizin baş məşqçisi təyin olunub. Bu barədə qərarı Azərbaycan Voleybol Federasiyası verib. O, bu postda Pərviz Səmədovu əvəzləyib.

Cəlalov millimizə Qızıl Avropa Liqasının oyunlarında rəhbərlik edəcək. Bu turnirin görüşləri may-iyun ayılarında keçiriləcək.

Qeyd edək ki, Cəlalov hazırda həm də “Murov Az Terminal” klubunun baş məşqçisidir.