AVRO-2024: Macarıstan Şotlandiyanı məğlub etdi

Almaniyada keçirilən futbol üzrə Avropa çempionatının qrup mərhələsinin üçüncü turunun Şotlandiya - Macarıstan görüşü başa çatıb.

Oxu..Az xəbər verir ki, Ştutqartdakı "MHP Arena"da keçirilən matç macarların minimal hesablı qələbəsi ilə başa çatıb.

Oyunda yeganə qolu 90+10-cu dəqiqədə Kevin Çobot Şotlandiya yığmasının qapısından keçirib. Bu qələbə sayəsində 3 xal qazanan Macarıstan A qrupunu üçüncü sırada başa vurub. Şotlandiya isə 1 xalla sonuncu olub.

23.06.2024, 23:01

Şotlandiya və Macarıstan milli komandaları arasında futbol üzrə Avropa çempionatının qrup mərhələsinin üçüncü turunun oyununa start verilib.

Oxu.Az xəbər verir ki, A qrupu çərçivəsindəki görüş Almaniyanın Ştutqart şəhərindəki "Mercedes-Benz Arenada" keçirilir.

Oyunu Fakundo Tellonun (Argentina) başçılıq etdiyi hakimlər briqadası idarə edir.

Qeyd edək ki, Şotlandiya və Macarıstan millilərinin qrup mərhələsindəki rəqibləri İsveçrə və Almaniya yığmalarıdır. İkinci turdan sonra almanlar altı, isveçrəlilər dörd, şotlandlar bir xal toplayıblar, lakin Macarıstan komandasının xalı yoxdur.

AVRO-2024: Macarıstan Şotlandiyanı məğlub etdi