Seneqalda prezident seçkisi təxirə salındı

Seneqal Prezidenti Maki Sall ölkədə fevralın 25-də keçiriləcək prezident seçkisinin təxirə salındığını açıqlayıb. 

Dövlət başçısı xalqa televiziya müraciətində deyib: “Mən seçki qanununu namizədlərlə bağlı mübahisələrə görə ləğv edirəm”.  

O, səsvermə üçün yeni tarix açıqlamayıb. 

Qeyd edək ki, Seneqal Konstitusiya Şurası prezident seçkisində iştirak etmək üçün 20 namizədi təsdiqləyib. Bununla belə, namizədlərdən birinin ikili vətəndaşlığa malik olması ilə bağlı qızğın mübahisə yaranıb. 

Mənbə: TASS