Ledi Qaqa və Xoakin Feniksin rol aldıqları “Joker-2” filminin çəkilişlərindən yeni kadrlar yayımlanıb - FOTO

“Joker: Folie à Deux” filminin rejissoru Todd Fillips “Instagram”da filmə aid yeni kadrları nümayiş etdirərək, izləyicilərini sevindirib. O, “Coker” və “Harli Kvin” obrazlarında Xoakin Feniks və Ledi Qaqanın üç şəklini paylaşıb.

Fillips filmin premyerasının 2024-cü il oktyabrın 4-də baş tutacağını qeyd edib.

Xatırladaq ki, “Harli Kvin” ilk dəfə 1992-ci ilin sentyabrında “Fox Kids” kanalında yayımlanan “Betmen” cizgi serialı üçün “Coker”in rəfiqəsi və sevgilisi kimi yaradılmış və personaj 1999-cu ildə “DC Comics”in səhifələrində görünməyə başlayıb.

Qeyd edək ki, “Joker-2” filmini “CinemaPlus” kinoteatrlar şəbəkəsində də izləmək mümkün olacaq.

Mənbə: focus.ua