İsrail Livana hücum etdi: Ölən və yaralananlar var

İsrail qüvvələri pilotsuz uçuş aparatları (PUA) ilə Livanın cənubundakı Şaqra şəhəri yaxınlığına zərbə endirib, nəticədə ölənlər və yaralananlar var.

Oxu.Az-ın "Times of Israel"ə istinadən verdiyi məlumata görə, bu barədə Livan Xilasetmə Xidməti məlumat yayıb.

Zərbələr nəticəsində iki nəfər həlak olub, üç nəfər yaralanıb.

Qeyd edək ki, bu, şənbə günü "Hizbullah"ın Colan təpələrinə 12 nəfərin ölümü ilə nəticələnən raket hücumundan sonra İsrailin Livana endirdiyi ilk ölümcül zərbədir.