Bakıda taksi sürücüsünə saxta pul verilib? - Polis hərəkətə keçdi

Bakıda şəxsin taksi sürücüsünə saxta əsginas verməsi ilə bağlı görüntülər sosial şəbəkələrdə paylaşılıb

Daxili İşlər Nazirliyinin (DİN) Mətbuat Xidmətinin əməkdaşı İbrahim Əmiraslanlı Oxu.Az-a bildirib ki, sözügedən görüntülər araşdırılıb.

Xidmət əməkdaşı bildirib ki, avqustun 15-də paytaxtın Nizami rayonu ərazisində bir nəfərin taksi sürücülərinə saxta pul verməsi ilə bağlı polisə məlumat daxil olub:

"Polis əməkdaşları tərəfindən şübhəli şəxs E.Eynullayev müəyyən olunaraq ərazi üzrə polis orqanına gətirilib. Şəxsi axtarış zamanı onda saxta pul əsginasları aşkar edilməyib.

Araşdırmalarla həmin şəxsin mülki öhdəlikdən yayındığına görə axtarışda olması müəyyən edildiyindən aidiyyəti üzrə təhvil verilib.

Onun əməllərindən zərərçəkmiş digər şəxslərin müəyyən olunması istiqamətində araşdırmalar davam etdirilir".

01:36

Bakıda saxta pulla taksi sürücülərini aldadan şəxs peyda olub.

Oxu.Az xəbər verir ki, bu barədə görüntülər sosial şəbəkələrdə paylaşılıb.

Hətta həmin şəxs 20 manat məbləğində saxta əsginasa görə döyülüb.

Məsələ ilə bağlı Oxu.Az-ın sorğusuna cavab olaraq Daxili İşlər Nazirliyinin (DİN) Mətbuat Xidmətinin əməkdaşı İbrahim Əmiraslanlı bildirib ki, kadrlar araşdırılır.

Nəticəsi barədə əlavə məlumat veriləcək.

Həmin görüntüləri təqdim edirik: