Hərbçilərimizi Şuşaya aparan cığır üzərində qurulan, qələbəmizin simvollarından biri olan ZƏFƏR YOLU

Füzuli-Şuşa avtomobil yolu və ya Zəfər yolunun açılışından üç il ötür.

Oxu.Az xatırladır ki, yolun təməli 2020-ci il noyabrın 16-da Azərbaycan Respublikasının Prezidenti İlham Əliyev və birinci xanım Mehriban Əliyevanın işğaldan azad edilmiş Füzuli və Cəbrayıl rayonlarına səfəri zamanı qoyulub. Bu yol Qarabağın dirçəlişi və inkişafında mühüm rol oynayır.

Əhmədbəyli-Füzuli-Şuşa avtomobil yolu sayəsində Bakıdan Şuşa şəhərinədək olan məsafə daha da qısalaraq, təxminən 345 km təşkil edir.

Hərbçilərimizi Şuşaya aparan cığır üzərində qurulan, qələbəmizin simvollarından biri olan ZƏFƏR YOLU

Yeni yol köhnə marşrutdan 19,3 km qısadır və 4-6 hərəkət zolağından ibarətdir. Yol boyu müxtəlif diametrli 194 suötürücü boru, 38 yeraltı keçid, 11 körpü, 7 tunel və 9 viaduk inşa edilir.

2021-ci il noyabrın 7-də Prezident İlham Əliyev və birinci xanım Mehriban Əliyeva Füzuli rayonunda Zəfər yolunun rəsmi açılış mərasimində iştirak ediblər. Bu, bölgənin inkişafı baxımından tarixi bir hadisə idi.

Yeni Füzuli-Şuşa magistral avtomobil yolu başlanğıcını Hacıqabul-Bəhrəmtəpə-Mincivan-Ermənistan Respublikası ilə dövlət sərhədi magistral yolunun Füzuli rayonunun Əhmədbəyli kəndindən keçən hissəsindən götürməklə işğaldan azad edilmiş Füzuli, Xocavənd, Xocalı və Şuşa rayonlarının ərazisindən keçir. Avtomobil yolu sözügedən rayonların 20-dən artıq yaşayış məntəqəsini əhatə edir.

Zəfər yolu qısa müddətdə inşa edilərək 2021-ci ilin sentyabr ayında tam istifadəyə verilib. Bu yol Qarabağın iqtisadi potensialının reallaşdırılması, turizmin inkişafı və əhalinin rifah halının yüksəldilməsi baxımından böyük əhəmiyyət kəsb edir. Yeni yol bölgənin dirçəlişinə və çiçəklənməsinə öz töhfəsini verəcək.