Eldar Qasımovdan Xalq artisti ilə bağlı paylaşım - FOTO

“Avroviziya 2011” qalibi Eldar Qasımov nənəsi, mərhum Xalq artisti Firəngiz Şərifova ilə bağlı sosial şəbəkədə paylaşım edib.

Oxu.Az xəbər verir ki, müğənni arxiv fotolarını “Instagram” hesabında izləyiciləri ilə bölüşərək nənəsinin 100 illiyinin qeyd olduğunu bildirib:

“Firəngiz Şərifova - 100 il. Nənə, gözəl uşaqlığımız üçün, hər şey üçün çox sağ ol”.

Qeyd edək ki, Firəngiz Şərifova 2014-cü ildə dünyasını dəyişib. O, teatr və kino rejissoru, Xalq artisti Abbas Mirzə Şərifzadənin qızıdır.