"Napoli"nin hücumçuna qarşı silahlı soyğun: Bahalı saatı oğurlandı

"Napoli"nin futbolçusu David Neres silahlı hücuma məruz qalıb.

Oxu.Az İtaliya mətbuatına istinadən xəbər verir ki, hadisə "Parma"ya qarşı oyundan (2:1) sonra Neresin stadiondan çıxaraq hotelə qayıtdığı zaman baş verib.

Məlumata görə, soyğunçular futbolçunun maşınının şüşələrini sındırıb, idmançını silahla hədələyərək, "Rolex" saatını oğurlayıblar. Hadisə zamanı Neresin həyat yoldaşı da avtomobildə olub.

Xatırladaq ki, David bu oyunda qələbə qolunun assistinə imza ataraq, matçın əsas qəhrəmanlarından birinə çevrilib.