Məşhur basketbolçu 20 milyon dollar itirdi

Basketbolun Şöhrət Zalında təmsil olunan dördqat Milli Basketbol Assosiasiyasının (NBA) çempionu Şakil O'Nil Yerin düz olduğunu iddia etdiyi üçün 20 milyon dollar itirdiyini bildirib.

Oxu.Az-ın xəbərinə görə, bu barədə "Complex's GOAT Talk" məlumat yayıb.

"Bu, olmuş hadisədir. Mən bir dəfə demişdim ki, Yer kürəsi düzdür və buna görə böyük sövdələşmədən - 20 milyon dollardan məhrum olmuşdum. Təxminən 500 min təhdid məktubu gəlmişdi" , - O'Nil deyib.

Qeyd edək ki, Şakil O'Nil 1996-cı ildə olimpiya çempionu, 1994-cü ildə isə dünya çempionu olub.