"Bavariya"ya böyük hesabla məğlub olan "Dinamo Zaqreb"in baş məşqçisi istefaya göndərilib

Xorvatiyanın "Dinamo Zaqreb" komandası baş məşqçisi Sergey Yakiroviçlə yollarını ayırıb.

Oxu.Az xəbər verir ki, mütəxəssislə əməkdaşlığa qarşılıqlı razılıq əsasında son qoyulub.

Buna Zaqreb təmsilçisinin ölkə çempionatında "Hayduk"a 0:1 və UEFA Çempionlar Liqasının əsas mərhələsinin ilk turunda Almaniyada "Bavariya"ya 2:9 hesablı məğlubiyyətlər səbəb olub.

S.Yakiroviç 2023-cü ilin yayından Zaqreb təmsilçisinə rəhbərlik edirdi.

Qeyd edək ki, "Dinamo" bu mövsüm Çempionlar Liqasının pley-off mərhələsində iki oyunun nəticəsinə əsasən (5:0), "Qarabağ"ı mübarizədən kənarlaşdırıb.