Gürcüstandan Rusiya kəşfiyyatının ABŞ-nin planları ilə bağlı açıqlamasına REAKSİYA

"Hətta Rusiya Xarici Kəşfiyyat Xidmətinin məlumatı olmasa belə, ABŞ-nin ölkədə inqilab yaratmağa çalışdığı aydın görünür".

Oxu.Az Gürcüstan mətbuatına istinadən xəbər verir ki, bunu hakim "Gürcü Arzusu-Demokratik Gürcüstan" partiyasının baş katibi və Tbilisi şəhərinin meri Kaxa Kaladze deyib.

Bundan əvvəl Rusiya Xarici Kəşfiyyat Xidməti bildirmişdi ki, Ağ Ev oktyabrın 26-da ölkədə keçiriləcək parlament seçkisi ərəfəsində Gürcüstanda vəziyyətin inkişafından son dərəcə narazıdır.

"Amerikalılar Gürcüstanda rəngli inqilab hazırlayırlar", - Rusiya Xarici Kəşfiyyat Xidməti qeyd etmişdi.

"Tbilisi Maydanı"nda səsvermə zamanı saxtakarlığa dair sübutları ictimaiyyətə açıqlamaq, seçkinin nəticələrinin tanınmadığını elan etmək və hakimiyyət dəyişikliyini tələb etmək planlaşdırılır", - açıqlamada qeyd edilirdi. Rusiya Xarici Kəşfiyyat Xidməti onu da vurğulayıb ki, amerikalılar "Gürcü arzusu"nun seçki mövqeyini mümkün qədər zəiflətmək üçün seçkiqabağı həftələrdə Gürcüstan hakimiyyətinə təzyiqləri kütləvi şəkildə artırmaq niyyətindədirlər.

12:28

ABŞ Gürcü Arzusu Partiyasının oktyabrda keçiriləcək seçkidə qalib gəlməsinin qarşısını almaq üçün Tbilisidə "Maydan" hərəkatı planlaşdırır.

Oxu.Az xəbər verir ki, bu barədə TASS-a Rusiya Xarici Kəşfiyyat Xidmətinin mətbuat bürosundan daxil olan məlumatda deyilir.

"Ağ Ev oktyabrın 26-da ölkədə keçiriləcək parlament seçkisi ərəfəsində Gürcüstanda vəziyyətin dəyişməsindən son dərəcə narahatdır. ABŞ-lilər Gürcüstanda rəngli inqilab hazırlayırlar", - deyən Xarici Kəşfiyyat Xidməti Tbilisi "Maydan"ında səsvermə zamanı saxtakarlıq sübutlarını dərc etməyi, seçkinin nəticələrinin tanınmadığını elan etməyi və hökumətin dəyişdirilməsini tələb etməyi planlaşdırır.

Etirazları zorla yatırmaq üçün hüquq-mühafizə orqanları təhrik ediləcək.

ABŞ-lilər Gürcü Arzusu Partiyasının seçki mövqeyini mümkün qədər zəiflətmək üçün seçkiyə qalan həftələrdə Gürcüstan hakimiyyətinə təzyiqləri kütləvi şəkildə artırmaq niyyətindədirlər.