Qrossi: "Əgər daha çox ölkə nüvə silahına sahib olarsa, ondan istifadə edilə bilər"

Atom Enerjisi üzrə Beynəlxalq Agentliyin (AEBA) baş direktoru Rafael Qrossi bəzi ölkələr arasında nüvə silahı haqqında danışıqların artan normallaşmasından ciddi narahatlığını ifadə edib.

Oxu.Az-ın verdiyi məlumata görə, bu barədə o, "UN News" portalına verdiyi müsahibədə danışıb.

O vurğulayıb ki, əgər daha çox dövlət bu ölümcül silaha çıxış əldə etsə, onun istifadə ehtimalı əhəmiyyətli dərəcədə artacaq.

"Bütün bu gərginliklərlə dolu dünyamızı təsəvvür edin, burada 15, 18, 20 ölkənin nüvə silahı var. Böyük ehtimalla, bu halda nüvə silahı istifadə olunacaq", - deyə Qrossi bəyan edib və beynəlxalq ictimaiyyəti belə bir ssenarinin qarşısını almaq üçün qətiyyətli addımlar atmağa çağırıb.