Gürcüstanda hakim partiya səslərin 53 faizini toplayır

Gürcüstanda parlament seçkisi sakit və təhlükəsiz keçib.

Oxu.Az TASS-a istinadən xəbər verir ki, bu barədə Gürcüstan Mərkəzi Seçki Komissiyasının mətbuat katibi Natia İoseliani brifinqdə bildirib.

Onun sözlərinə görə, ölkə üzrə seçki məntəqələrinin 70%-dən əldə edilən məlumatına əsasən, Gürcüstanın hakim partiyası seçkilərdə 53% səslə qalib gəlir.

Əlavə olunub ki, səsvermə prosesində seçicilərin 58,94%-i iştirak edib. Parlament seçkisi zamanı MSK-ya 337 şikayət daxil olub.

21:06

Gürcüstanın hakim partiyası 56,1% səslə parlament seçkisində qalib gəlir.

Oxu.Az xəbər verir ki, bunu "İmedi TV"nin keçirdiyi "exit-poll"un nəticələri sübut edir.

Bildirilir ki, 4 müxalifət partiyası 5%-lik baryeri keçərək parlamentə daxil olur.

"Formula TV"nin sorğusunun nəticələrinə görə, Gürcüstanın hakim partiyası parlament seçkilərində 40,9% səslə qalib gəlsə də, müxalifət ümumilikdə daha çox səsə malikdir.