Üzərinə ağac aşan kişi bir saat sonra vəfat etdi

Avqustun 3-ü saat 12:55-də 1988-ci il təvəllüdlü, Oğuz rayonu Tayıflı kənd sakini (kişi cinsli) üzərinə ağac aşması səbəbi ilə huşsuz vəziyyətdə Oğuz Rayon Mərkəzi Xəstəxanasının Reanimasiya Şöbəsinə çatdırılıb.

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib.

Qeyd olunub ki, xəstəyə yuxarı baş-beyin nahiyəsinin zərbəsi diaqnozu qoyulub və zəruri tibbi xidmətlər göstərilib. Həkimlərin bütün səylərinə və edilən lazımi tibbi müdaxilələrə baxmayaraq, o, saat 14:10-da vəfat edib.

15:15

Oğuz rayonunun Tayıflı kəndində üstünə ağac aşması səbəbindən ağır xəsarət alan şəxs vəfat edib.

Oxu.Az-ın məlumatına görə, Oğuz Rayon Mərkəzi Xəstəxanasına çatdırılan Fuad Bayramovun həyatını qurtarmaq mümkün olmayıb.

Əzizə İsmayılova

13:18

Oğuz rayonunun Tayıflı kəndində bədbəxt hadisə baş verib.

Oxu.Az-ın məlumatına görə, 1988-ci il təvəllüdlü Fuad Valeh oğlu Bayramov meşədə gəzintiyə çıxarkən üzərinə nəhəng ağac aşıb.

Ağır xəsarətlər alan 36 yaşlı kişi dərhal Oğuz Rayon Mərkəzi Xəstəxanasına çatdırılıb. Onun vəziyyəti ağır qiymətləndirilir.