Hacıqabulda minik avtomobili TIR-a çırpıldı: Sürücü həyatını itirdi

Kürdəmir rayonunda ağır yol-nəqliyyat hadisəsi baş verib.

Baş Dövlət Yol Polisi İdarəsinin baş inspektoru Elvin Hacıyev "Unikal"a açıqlamasında bildirib ki, hadisə gecə saat 1 radələrində Bakı-Qazax yolunun 157-ci kilometrliyində qeydə alınıb. Belə ki, Türkiyə Respublikasına məxsus yük avtomobili (TIR) yolun hərəkət hissəsindən kənarda nəqliyyat vasitəsini saxlayaraq dincəlirmiş:

"Həmin istiqamətdə hərəkətdə olan "Mercedes C-class" markalı, 09-BV-620 dövlət qeydiyyat nişanlı avtomobil TIR-a arxadan çırpılıb.

Qəza nəticəsində "Mercedes"in sürücüsü həyatını itirib. Avtomobil isə yararsız vəziyyətə düşüb.

Qeyd edək ki, qəzanın baş verməsinə səbəb minik avtomobilinin sürücüsünün yuxulaması olub".

08:08

Hacıqabulda baş vermiş ağır yol-nəqliyyat hadisəsi zamanı sürücü ölüb.

APA-nın məlumatına görə, hadisə Hacıqabul rayonunun Padar kəndində qeydə alınıb.

Belə ki, "Mercedes" markalı avtomobil yolun kənarında dayanan TIR-a çırpılıb. Nəticədə sürücü aldığı xəsarətlərdən hadisə yerində ölüb.

Faktla bağlı araşdırma aparılır.