Azərbaycanın bir rayonunda üç gün qaz olmayacaq

Sabah Masallı rayonunun üç kəndində qazın verilişi dayandırılacaq.

"Report"un məlumatına görə, Masallı rayonu ərazisində yerləşən "Alvadı" QPS-dən qidalanan Şərəfə, Çaxırlı, Binə Xocavar kəndlərinin ümumilikdə 2 100 əhali abonentinin, asfalt zavodunun və diametri 159 mm-lik sənaye xətti üzərində olan qeyri-əhali abonentlərinin Tətyançay körpüsünün tikintisi ilə əlaqədar qaz təchizatının sabah saat 10:00-dan işlər yekunlaşanadək dayandırılması planlaşdırılır.

Qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş edilir.

17:30

Sabah Şəmkir rayonunun qaz təchizatında fasilə yaranacaq.

Bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyi məlumat yayıb.

Bildirilib ki, "Qaz İxrac" İdarəsinə məxsus "Qazıməmməd-Qazax" I xətt yüksək təzyiqli magistral qaz kəmərinə yeni çəkilmiş yüksək təzyiqli kəmərlərin birləşdirilməsi ilə bağlı mayın 23-də saat 10:00-dan mayın 25-dək (3 gün müddətində) işlər başa çatanadək "Şəmkir-1 Əhali", "Şəmkir-2 Sənaye", "Çinarlı əhali", "Çinarlı Sənaye", "Əliyaqublu 1 və 2" ölçü qovşaqlarından qaz təchizatının dayandırılması planlaşdırılır.

Təmir işləri aparılan müddətdə Şəmkir rayon mərkəzi daxil olmaqla, rayonun iki qəsəbə və 14 kəndinin qaz təchizatında üç gün müddətində müvəqqəti fasilə yaranacaq.