Agentlik direktoru yeni təhsil ilində peşə məktəblərində tədris olunacaq ixtisasları AÇIQLAYIB

"Yeni tədris ili üçün ən çox plan yerləri aşpaz ixtisası üzrə ayrılıb".

Oxu.Az xəbər verir ki, bunu Peşə Təhsili üzrə Dövlət Agentliyinin direktoru Ceyhun Kərəmov bu gün keçirdiyi brifinqdə deyib.

O, yeni tədris ilindən peşə məktəblərində keçiləcək ixtisasları da açıqlayıb:

"Dronların texniki xidməti və təmiri üzrə texnik, kargüzarlıq və ofis xidmətləri üzrə mütəxəssis, qida və içki üzrə mütəxəssis, elektrik və hibrid avtomobillərin təmiri, nəqliyyat sistemlərinin texniki istismarı (hava nəqliyyatı üzrə), alternativ enerji qurğu və avadanlıqlarının istismarı, Günəş panelləri quraşdırıcısı və təmirçisi, tibbi avadanlıqların təmiri və xidməti üzrə elektromexanik, suvarma maşınları və nasos qurğuları maşinisti ixtisasları 2024-25-ci tədris ilindən peşə məktəblərində öyrədiləcək".

Almaz Qasımova