Anasının yas mərasiminə gedən kişi intihara cəhd edib?

Lənkəran rayonu, Zövlə kənd sakini, 60 yaşlı Rövşən Tarverdiyev ağır vəziyyətdə Rayon Mərkəzi Xəstəxanasının Təcili Tibbi Yardım Şöbəsinə yerləşdirilib.

Həkimlər ona döş qəfəsini dəlib keçən güllə yarası diaqnozu qoyublar. Yaralı dərhal əməliyyata alınıb.

Yaxınlarının bildirdiyinə görə, Rövşən Tarverdiyev ov tüfəngi ilə özünə xəsarət yetirib.

"Həyətin qapısı açıq idi. Bir az irəliyə gedəndə gördüm ki, dayım yıxılıb, özünə xəsarət yetirib. Dərhal təcili tibbi yardıma zəng etdim ki, gəlib kömək etsinlər. O, Bakıda yaşayırdı, bizə qonaq gəlmişdi. Dünən anasının il mərasimi idi", - deyə yaralının bacısı oğlu bildirib.

Qeyd edək ki, R.Tarverdiyev paytaxtda yüksək vəzifələrdə çalışıb. Üç uşaq atası olan şəxs ötən il ailəsindən ayrılıb. Hazırda onun hansı səbəbdən özünə xəsarət yetirdiyi araşdırılır.

Faktla bağlı rayon prokurorluğunda araşdırmalar davam etdirilir.

Ətraflı Baku TV-nin süjetində:

Anasının yas mərasiminə gedən kişi intihara cəhd edib?

15 noyabr, 16:36

Lənkəranın Zövlə kənd sakininin güllə yarası alması ilə bağlı detallar məlum olub.

Oxu.Az-ın əldə etdiyi məlumata görə, 1964-cü il təvəllüdlü Rövşən Qələmirzə oğlu Tarverdiyev intihara cəhd edib və bu səbəbdən də odlu silahdan öz qarın nahiyəsinə atəş açıb.

Hadisənin hansı səbəbdən törədilməsi məlum deyil.

16:20

Lənkəran sakini odlu silahdan açılan atəş nəticəsində xəsarət alıb.

APA-nın cənub bürosunun verdiyi xəbərə görə, Lənkəranın Zövlə kənd sakini 1964-cü il təvəllüdlü Rövşən Qələmirzə oğlu Tarverdiyev odlu silahdan açılan atəş nəticəsində xəsarət alaraq rayon mərkəzi xəstəxanasına çatdırılıb.

Ona döş qəfəsinin güllə yarası diaqnozu qoyulub və əməliyyata götürülüb.

Yaxınlarının deməsinə görə, Q.Tarverdiyev Bakı şəhərində yaşayır və dünən anasının il məclisinə gəlib.

Faktla bağlı araşdırma gedir.