Stolüstü tennisçilərimiz Avropa birinciliyinə yollanıblar

Yeniyetmə stolüstü tennisçilərimiz Avropa birinciliyinə qatılacaqlar.

Oxu.Az-ın məlumatına görə, seçmə komandamız bu məqsədlə Rumıniya paytaxtına yollanıb. Buxarest sınaqlarında dörd idmançımız bacarığını göstərəcək. Onur Quluzadə, Şakir Qədirov, Yağmur Məmmədli və Banu Baytallı seçmə komandanın məşqçiləri Mixail Timofeyev və Elnur Hidayətzadənin rəhbərliyi ilə qələbə uğrunda mübarizə aparacaqlar.

Yarışlara mayın 22-də start veriləcək.

Qeyd edək ki, beynəlxalq dərəcəli hakim Zaur Mikayılov da Avropa birinciliyinə dəvət alıb. Təcrübəli hakim yarışın oyunlarını idarə edəcək.