Qohumları Alen Delonun vəsiyyətini yerinə yetirməkdən imtina ediblər

Avqustun 18-də 88 yaşında vəfat edən Alen Delonun vəsiyyətinə rəğmən onun Lubo adlı iti evtanaziya edilməyəcək.

Oxu.Az xarici KİV-ə istinadən xəbər verir ki, məlumatı məşhur aktyorun qohumları yayıblar.

Onlar bildiriblər ki, itin öz evi, ailəsi var və heyvana onlar qulluq edəcəklər.

Qeyd edək ki, Alen Delon 2018-ci ildə verdiyi müsahibədə söyləyib ki, əgər o sevimli itindən əvvəl ölərsə Lubo onunla birlikdə dəfn edilməsi üçün evtanaziya oluna bilər. Sənətçinin sözlərinə görə, o, itinin öz məzarı başında əziyyət çəkməsini və ondan ötrü darıxmasını istəməzdi.