Madaqaskar sahillərində iki gəmi çevrildi: 20-dən çox insan həlak oldu

Madaqaskar sahillərində göyərtəsində Somali sakinlərinin olduğu iki gəminin çevrilməsi nəticəsində 24 nəfər həlak olub.

Oxu.Az bu barədə "Associated Press" agentliyinə istinadən xəbər verir.

"Hind okeanının Madaqaskar sahillərində iki qayığın çevrilməsindən sonra 24 nəfər həlak olub", - Somali hökuməti bildirib.

46 nəfərin xilas edildiyi qeyd olunur. Gəmilərin dəqiq təyinat məntəqəsi hələ də məlum deyil. Mütəxəssislər hadisənin bütün təfərrüatını araşdırırlar.