COP29-da "Gənclərin rəqəmsal iqlim inqilabında iştirakının dəstəklənməsi" adlı tədbir keçirilib

Bakıda BMT-nin İqlim Dəyişikliyi üzrə çərçivə Konvensiyasının Tərəfləri Konfransının 29-cu sessiyasının (COP29) altıncı günündə Yaşıl Zonada "Gənclərin rəqəmsal iqlim inqilabında iştirakının dəstəklənməsi" adlı tədbir keçirilib.

Oxu.Az xəbər verir ki, Leyla Həsənova, Dorin Mişel, Fidan Cavadova, Meri de Vsyoçki, Kestutis Kupsis çıxışlar ediblər

Tədbirdə xüsusilə gənclərin innovasiya və dəyişikliyin əsas hərəkətverici qüvvəsi kimi iştirakı vurğulanaraq rəqəmsal həllərin iqlim fəaliyyəti ilə necə kəsişdiyi araşdırılıb.

"İqlim böhranına yanaşmamızı dəyişdirən rəqəmsal texnologiyalarla gənclər dayanıqlılığı təşviq etmək, ekoloji təsirlərə nəzarət etmək və iqlim fəaliyyətini gücləndirmək üçün rəqəmsal vasitələrdən istifadə edərək həyati dəyişikliklər yaradanlara çevrilirlər", - deyə tədbirdə bəyan olunub.

Tədbirdə gənclərə məlumatlara əsaslanan təbliğatdan tutmuş, real vaxt rejimində ətraf mühitin monitorinqinə qədər iqlim təşəbbüslərində iştirak etməyə imkan verən qabaqcıl rəqəmsal platformalar, proqramlar və süni intellektlə işləyən həllər təqdim olunub.

Daha çox foto burada: PhotoStock.Az

Xanım Aydın